Ход верейного торгу по періодї ёго запертя з доводу превенції перед пошырёванём нового коронавірусу обновлять в Гуменнім в понедїлёк 27.апріля. Інформують о тім технічны службы (ТС)  міста на вебовій сторінці самосправы. ,, Торг буде отвореный в робочіх днях в часі од 6.00 до 15.00г а в суботу од 6.00 до 12.00г.“ інформує директор ТС Мілан Куруц. Повинностёв продаваючіх і накупуючіх буде охрана рушком і рукавіцями. Про продаваючіх платить тыж правило єдного продаваючого при єднім продаваючім пултї, заказницї будуть меджі собов мусити дотримовати діштанцію двох метрів. На торгу буде тыж платити заказ конзумації потравин і напоїв.

(TASR, Шутіова)