Місто Снина хоче выбудовати нову автобусову станіцю на своїм фундуші. Проєкт ся буде реалізувати уж коло існуючой  автобусовой заставкы і планованой ціклотрасы  попри берегах Цирохы, при чім буде скапчана з пішым корідором спрямуваного на намістя. Інвестічный план схвалили депутаты в децембрі минулого рока. Як повів пріматор міста Петер Волошин, же „інвестиція буде у вышці 1,5 мільйона евра. Фундуш  остане притім в маєтку міста. Планують з будуваням нового будинку і  з реконштрукційов цілого ареалу  з підтримков Пряшівского самосправного края.“ В рамках проєкту выбудує ся будинок станіці, зреконштруують ся приступовы комунікації,  місце на паркованя, публічне світло, камеровый сістем і зреалізує ся естетізація околиці. Просторы будуть модерны і безбарєровы. Початок реалізації проєкту напланованый по одобріню потрібных фінанцій. (TASR, Pkf)