Крайскый суд (KS) Пряшів потвердив розсудок першоступньового суду в справі хыбного проєкту дотуляючого ся ставбы цікложелезнічкы. Вердікт уж є діючім і про компанію A.P.H. ateliér так взникла повинність заплатити місту Пряшів змлувну покуту і переплачіня взникнутой шкоды у вышці скоро 550.000 евр. TASR о тім інформував говорця міста Владімір Томек.  Місто ся од юна 2019-го року домагало, абы суд приказав проктантові цікложелезнічкы заплатити змлувну покуту і переплатити шкоды у вышці 548.704,73 евра, котру проєктант запричінив місту поданям злой проєктовой документації. Одволаваючій суд єдночасно призначів місту нарок на переплачіня тров конаня в 100-процентнім розсягу. Місто уж подало пропозицію на екзекуцію, кідь же проєктан собі несповнив свою повинність заплатити в терміні призначенім в розсудку суду.