Місто Пряшів здобыло тітул Европске місто шпорту про рік 2025. На пресконференції то у четверь увів пріматор міста Франтішек Ольга, котрый уточнив, же місто прошло процесом оціньованя і контрольов. Одборный референт про шпорт містьского уряду Міхал Семанчік пояснив, же при оцінюваню ся брало до увагы існуюча шпортова інфраштруктура, але і планы міста на єй розвой, зліпшіня приступу к шпортовым інштітуціям і залучіня вшыткых віковых катеґорій, як і гендікепованых  шпортовців. Єдночасно повів, же в часі децембра бы мали достати декрет. Пряшівска самосправа планує інвестиції до шпортовой інфраштруктуры в найближшых роках у вышці 32 міліонів евр. (TASR, Pkf)