Місто Пряшів жадать вшыткых обывателів, властників і превадзкователів інштітуцій, котры уквартелювавають людей, ці заступників фірем і незісковых орґанізацій, котры вырішыли помочі людям утікаючім перед войнов на Україні, абы му наголосили чісла уквартельованых на теріторії міста. Пресаґентуру TASR о тім інформував говорця міста Владімір Томек. Як далі Томек конкретізував, же чісла уквартельованых особ є потрібне наголосити і повторюючо, і то по каждій зміні – одході або приході новых особ. При  наголошіню чісла уквартелюваных людей з Україны є  потрібне наголосити окремо чісла дітей до 15 років, окремо чісла дітей до 18 років і окремо чісло дорослых особ і країну їх походжіня. Завдякы даным інформаціям буде мати можность місто подля його слов ліпше приправити рішеня вкладу на уквартельованя, забезпечіня гуманітарной помочі, правного і псіхолоґічного пораденства, ці на умістненя дальшых україньскых дітей до школ. (TASR, Пкф)