Місто Пряшів в повязаню зо штрайком зрядило крізовый штаб
![](https://www.rusyn.fm/wp-content/uploads/2019/05/trolejbus.jpg)
В повязаню з острым штрайком, котрый на днесь оголосили заместнанцї доправного поднику міста Пряшів, місто зрядило крізовый штаб. Ёго цїлём є забезпечіти плинулость доправы. Радніця твердить, же мала інтерес о то, жебы ся штрайку, котрым заместнанцї пожадують звышіня платів, передышло. Доправный подник рахує приближно з 30 шоферами, котрыма днесь забезпечіть крізову выправу лінок. Тоты забезпечать переправу цестуючіх до шпыталїв, здравотницькых заряджінь і дїтей до школ. ,,На дaлшых лінках, котры суть в ознамох, буде обмедженых режім. То значіть, же інтервал не буде як все 15 аж 20 минут, але передовжыть ся на годину, годину а пів, “ увів діректор доправного поднику міста Пряшів Петер Юнус. Конкретны часы приходу єднотливых споїв подля Януса ґарантовати не знають.
(KORZÁR, Шутіова)
-
Назад / Nazad Захранарї з выходу забодовали в цїлосвітовім змаганю
-
Далше / Dalše Выбор Руського клубу 1923 вызывать взяти у часть на громадї обчанів на навернутя Руського дому в Пряшові вшыткым Русинам