На Сідліску під Соколейом бы мала вырости нова бітовка. Проєктову документацію на ставбу 38 бітів дало выготовити іщі бывше веджіня міста, проходило уж і публічне змаганя на зготовітеля. Посланцї інвестічный замір підпорили. В бітовцї є напланованых 10 єдноізбовых, 10 тройізбовых а 18 двойізбовых бітів. Вшыткы окрем двох на приземю будуть мати балкон. В пятьштоковій бітовцї будуть два входы, два вытягы і буде напоєна на централный розвод тепла. „Технічны властности бітовкы сповняють найвысшу класу з погляду затеплїня і нарочности на конзум енерґії,“ підкреслив ведучій одбору выставбы Маріян Шалата. Зазмлувнена цїна новой бітовкы враховано проєктовой документації є скоро 1,966 міліона евр. „35 процент з той сумы буде ненавратна дотація з міністерства транспорту  і выставбы, 65 процент є увер зо Штатного фонду розвитку бываня на єднопроцентну урокову садзбу зо сплатностёв на 30 років. Жадость треба подати до кінця фебруара“ высвітлив Шалата. За увер ся буде ручіти будовов зимного штадіона. Ёго цїну зналець одгаднув на 3,6 міліона евр.
                                                                                                                                                                                                                                                    (Korzar, Шутіова)