Місто Бардейов скінчило в послідніх дньох дакілько інвестичных акцій за веце як міліон евр. Як пресаґентуру TASR інформував говорця міста Штефан Гій, меджі першыма скінченыма актівітами быв проєкт ціклопішника коло Основной школы з матерьсков школов Під Вінбарґом в сумі 730.000 евр. Далшов скінченов актівітов є  реконштрукція будовы містьской поліції в сумі 270.000 евр. Єй затепліньом дошло до пониженя енерґетічного келчіка о 70 процентів. Скінчена была і выставба 12 новых місць на паркованя на улиці Фучіковій в сумі коло 35.000 евр. Докінченя чекать і комплексну реконштрукцію вступного ареалу цінтеря на Келлеровій улиці, котра буде доповнена о садову управу, лавкы, мобіліар і нове верейне світло. (TASR, Pkf)