Мінівці, село Стропківского окресу є єдно з мала сел, котрому наперек тому, же є малым селом ся дарить. В послідніх роках нелем зреалізувало много інвестичных проєктів, але свою увагу звернуло і на вытворіня шпортовых условій про жытелів села. Напершый погляд бы ся здало, же в Мінівцях як бы то уж ниякый проблем немали. Но правда є інакша. Село трапить єден важный проблем о котрім нашому радію Русин.фм повів староста села Мірослав Мойсей, „є ту єден проблем што нас барз трапить, котрый  потребуєме  чім скоріше дорішыти, бо і тлак з боку жывотного оточіня є на нас великый. Проблемом є, же немаме каналізацію. Абсенція каналізації в нашім селі знеприємнює жывот,  главні в літніх місяцьох, скоро вшыткым жытельом нашого села.“ Як далей староста села Мінівці  Мірослав Мойсей повів, здругого боку тішыть  їх знова то, же Выходословеньска водареньскасполочность бы мала в тім року 2019 в Мінівцях зреалізувати реконштрукцію водоводу, бо старый, котрый є ту із 70 років минулого стороча  дослугує і люде ся уж стяжують окрім іншого і назлу воду.