В неділю 3-го децембра навщівив Ґрекокатолицьку церьков Преображенія Господа в Спішскій Новій Всі архієпіскоп Кіріл Василь, кошыцькый єпарха. Владыка Кіріл почас недільньой торжественной архієрейской літурґії іншталовав у храмі новый реліквіяр, в котрім суть уложены мощі блаженого священомученика Павла Петра Ґойдіча. Віруючі цілый тыждень перед торжественнов подійов стрічали ся при молитві молебена ку блаженому пряшівскому єпіскопови, інормовав Пресовый центер Кошыцькой єпархії.

(Медвідь, TSKE)