Пряшівскый православный архієпіскоп і митрополіт чеськых земель і Словакії выдав минувшый тыждень становиско односно переслідованя Україньской православной церькви. Як пише ся у выголошіню, в часі Великого посту, коли кулмінує духовна намага православных хрістіанів, кулмінує і несправедливе а неоправдательне переслідованя Україньской православной церькви з боку державных властей. Тото переслідованя, пише ся в становиску, котре тырвать десяткы років, намагать ся вычерати канонічну Церьков схізматічныма штруктурами, і по зачатку войны ся зінтензівнило з тым, же в остатніх днях має характер пробы о ліквідацію. Сучасне терпіня Україньской православной церькви – переслідованя духовных і понижованя віруючіх, подля выголошіня не зістануть забыты ани Богом, ани історійов.

(Медвідь)