Фонд про підпору културы народностных меншын є інштитуційов, котра помагать фінанцовати  проєкты в області културы народностных меншын. Нашому  і єдночасно єдному з нашых найпродуктівнішому писательові Миколайові Коневалові завдякы того фонду і Русиньской оброды на Словенску выйде дальша інтересна книжка під назвов Пастухы і ґаздівство. Як про наше радіо Русин.фм сам автор Миколай Коневал повів, „мала бы выйти до кінця рока, бо на ню были приділены фінанції з Фонду про підпору культуры народностных меншын. Книжка є сітуована до часів передовшыткым найстаршой ґенерації, котра ґаздовала, пасла коровы. Но уж помалы вымерать. Тым, же уж суть електричны оплоткы і суть дружства, мало кто коровы пасе. Также в тій книжкі ся пише, як ся пасло, як ся ґаздувало, як молоды хлопці і дівчата пасли коровы і вівці, якы гры ся грали, што робили , як травили свій вольный час при пасіню ці ґаздуваню.“
(TASR)