В днях 6-го аж 10-го септембра є на навщіві Словакії делеґація порадного комітету Рады Европы ку Рамковому договору о охороні народностных меншын.Делеґація робить моніторінґ в контексті 5-го ціклу моніторованя імлементації Рамкогового договору. В складі делеґації суть Альона Ґроссу з Молдавії, Александра Кастро з Портуґалії і Мікко Пуулмалаінен з Фінландії. Вчера ся делеґація стрітила ся з представителями ромской, русиньской і україньской меншыны в Пряшові. Делеґацію інтересовали головно темы условій высокошкольскых штудій языків і култур споминаных меншын, условія народностностного школства обще, ці підпора розвитку културы народностных меншын на Словакії. Бісіда была і о фунґованю народностных музеїв. На стрічі участны обговорили і тему, яка є повязана з приготовліньом закона о поставліню народностных меншын.

(Медвідь, TASR)