Найджіня незнамой муніції при корыті потока Капішовка в лісі меджі селами Нижня і Вышня Писана ознамив у вівторок 28-го фебруара на поліцайну лінку 35-рочный муж з Нижньой Писаной. Пресаґентуру TASR о тім інформувала говоркыня Крайского діректоріяту Поліцайного збору в Пряшові Яна Ліґдаиова. Призваный крайскый піротехнік по оглядкі сконштатував, же іде о муніцію з другой світовой войны і то конкретні о два 75-міліметровы ділострілецькы ґранаты. Піротехнік муніцію за дотриманя вшыткых безпечностных опатрінь перевзяв к ліквідації. Поліція попереджує  верейность, же при найджіню хоцьякого предмету, котрый припоминать муніцію або бы міг быти і частьов, з ним немать за ниякых условій маніпуловати. Найджены муніції напрік їх віку суть фурт  у векшыні сітуацій цалком функчны. (TASR, Pkf)