Пребіточны енерґетічны заряджіня вертать меджілабірскій самосправі компанія Бітенерґ, котра забезпечує обывателям міста додавкы тепла і теплой воды. Місто собі хоче днесь непотребный маєток зохабити. Як про пресову аґентуру TASR потвердив пріматор Меджілаборець Владіслав Вішньовскый, видить в нім забезпеку енерґетічной безпечности міста до будучности. Як Вышньовскый далей конкретизував, ,,хочу, абы сьме на дальшім заступітельстві прияли резолюцію, абы тот “пребіточный“ маєток неслужыв на іншый як на енерґетічный ціль.“ Пріматор міста далей повів, же договор о пренаймі енерґетічных заряджінь міста з компанійов Бытенерґ є платна до 2035-го року. „Незнаме, як то буде з выкурьованям міста в будучности. Може будуть тоты, того часу непотрібны обєкты мусіти быти вчленены знова   до енерґетічного сістему міста,“ додав Вышньовскый. (TASR, Pkf)