Ізба Марії Терезії, котра ся народила 13 мая 1717 року у Відні, є єднов із штирьох мальованых ізб, котры суть в друґетовскім замку в Гуменнім. Про публіку є в тім року о то інтересніша, же собі пригадує 300 років од народжіня той найвызнамнішой пановничкы даного періоду. Ізба Марії Терезії была вытворена правдеподобно в 1773 року, што докладують дакотры історічны події выображены на настінных мальбах. Іде о споюючу містность октоґоналной, то значить вісімуголниковой формы і представує комунікачный узел меджі просторами на першім етажі западного крыдла замку.
(Петро Кімак-Фейко)