Желізніці Словацькой републікы зачали в пятніцю 17-го юла буряти будову желізнічнoй станіці Меджілабірці-місто. Як про TASR повів пріматор міста Владіслав Вышньовскый, нову станіцю, сполочну про влакы і автобусы, бы радо збудовали почас слідуючого року. Самосправа до будованя станіці подля пріматора іде з причіны, же фундушы на тім місці суть містьскы. З тым цільом здобыло місто дотацію з Уряду влады в сумі 100 тісяч евр. Подля проєктовой документації мине місто суму на выбудованя спевненых одставных плох, што бы радо пріматор реалізовав іщі тот рік. Слідуючій рік бы ся зробив перон про влак. Вытраты на другу етапу очекує місто в сумі далшых 100 тісяч евр і самосправа буде роботы в слідуючім році фінанцовати з властных жрідел.

(Медвідь, TASR)