Навщівность граду Стара Любовня ся збівшила за послідніх 25 років од взнику незалежной Словацькой републикы скоро пять разів. Покы в року 1993 там завітало скоро 39.000 навщтівників, в минулім року то было скоро 196.000 і зрядьователь Пряшівськый самосправный край уж пару разів пітвердив, же град є в сучасности найбівшым маґнетом туризму в реґіоні. На основі слов директора Любовнянского музеа Далібора Мікуліка найбівшы заслугы на данім чіслі мають передовшыткым люде, котры в нім роблять а потім в непосліднім ряді была то і сама розсягла обнова граду, доставба сканзену, ревіталізація околиці граду, але і пропаґація і інтерактивны выставы, інтересны експозиції ці богатый анімачный проґрам і концерты. В сучасности ся уж приправують в Старій Любовні на нову літню сезону, котру одштартують послідній апріловый тыждень. Навщівниці ся можуть тішыти на многы выставы, концерты, новы експозиції ці приправуваны новинкы.
(Кімак, ТАSR)