Будучу зимну сезону бы мав быти подля свідницькой радніці готовый ледовый штадіон. Выникнути має перекрытьом сучасной ледовой плохы. Як про TASR повіла пріматорка Марцела Іванчова, буде то залежати од процесу публічного обстараваня. В попередніх днях Свідник здобыв од Пряшівского краю суму 150 тісяч евр. На найблизшім засіданю містьского заступительства депутаты будуть занимати ся змлувов із Словацькым союзом ледового гокея. Іде о суму 250 тісяч, значіть вєдно із дотаційов 300 тісяч од влады має на штадіон місто 700 тісяч евр. Покля буде обстараваня без комплікацій, на ярь бы хотіли зачати з роботами на штадіоні. Свідник хоче мати слідуючу сезону штадіон під стріхов.

(Медвідь, TASR)