Заступительство Пряшісвксого самосправного краю вырішыло на своїм понедільковім засіданю, же лавреатами Ціны ПСК, котра ся буде удільовати вже 18-ый раз, стали умелецькый скулптор Ян Лесняк, камераман і режісер Ладіслав Чікі in memoriam, і вызначный русиньскый неврохірурґ, родак з Кленовой, Юрій Штеньо. Штеня на Ціну ПСК номіновав віцежупан Мартін Якубов. Ціну дістане за вынятковы довгорічны заслугы і вызначный фаховый вклад до розвитку неврохірурґії на Словакії і в загранічу. Найвысшы крайскы оцініня ПСК ся будуть лавреатам передавати в рамках ґалапроґраму в децембрі на Великій сцені Театру Йонаша Заборьского в Пряшові.

(Медвідь)