В понедільок 12-го юна одбыв ся в Театрі Александра Духновіча в Пряшові 22-ый річник Духновічового Пряшова – цілословацького конкурзу в декламації русиньской поезії, прозы, властной творчости і малых сценічных форм. На цілословацьке змаганя до Пряшова пришло нецілых 70 участників. Змагаючіх мав Духновічів Пряшів у вшыткых віковых катеґоріях, од дітей матерьскых школ, аж по дорослых людей, котры пришли з властнов творчостьов. Лавреатом Духновічового Пряшова 2023 стали школярі основной школы в Радвани над Лабірцьом – Патрік Ясик, Марко Потома, Ларіса Схіртова і Хрістіна Схіртова, котры выступали в першій віковій катеґорії з малов сценічнов формов під назвов О козлятках. Духновічів Пряшів быв частьов святковань Дня Русинів Словакії, котрый собі припоминаме 12-го юна.

(Медвідь)