Участници тогорічной Меджінародной літньой школы русиньского языка і културы на Пряшівскій універзіті завершують третій а тым і послідній тыждень свойой наукы. По лекціях з русиньского языка і културы, русиньской історії, навщівы многых подій і памятных місць в русиньскім реґіоні, 20 штудентів із шестьох країн закінчіть своє перебываня на Словакії. Святочне завершіня 9-го річника Меджінародной літньой школы русиністікы ся одбуде 29-го юна о 18-ій годині в пензіоні Атріум у Пряшові. Ту будуть штудентам святочно переданы цертіфікаты, приготовленый є богатый културный проґрам і славностна рецепція. Ґарантом проєкту є Інштітут русиньского языка і културы Пряшівской універзіты.
(А. Кузмякова)