На території Пряшівского края евідують бівше народженых дітей як вмертых, чісло обывателів шак понижує міґрація. Ку кінцю минулого рока жыло 823.826 людей, што є 15,1 процента з цілкового чісла обывателів Словакії. „Їх чісло против 2016 року ся збівшыло о 1 516. Поділ жен в краї представував 50,6 процента,“ інформнувала о тім Зузана Козоньова з пряшівского працовиска Штатістічного уряду СР в Пряшові. На основі єй дальшых слов ся в минулім року народило 9 919 жывых дітей, што представує 17,1 проценто з цілкового чісла народженых дітей в Словакії. “Против року 2016 є то наріст о 58 дітей. В рамках окресів Пряшівского края ся їв в перелічіню на 10000 обывателів найбівше народило в окресах Кежмарок, Сабінові і Старій Любовні. Найнишы дані породности зазначіли окресы Снина, Меджілабірці і Гуменне, котры єдночасно вызначують і высоку міру єміґрації обывательства.“ пояснила Зузана Козоньова.
(TASR)