Ґрантову вызву напрямену на підпору културы і креатівного промыслу выголосили в проходячіх днях місто Кошіцї і незіскова орґанізація Creative Industry Košice (CIKE). CIKE о тім інформує на своїй вебовій сторінцї. ,,Ґрантова вызва є становлена лем про проєкты, котры ся прімарно дотуляють културы і креатівных областей. Пособность і реалізація проєктів суть строго вязаны на теріторію міста Кошіцї,“ уводить ся у вызві. Меджі єй головны пріоріты належить стабілізація уведженого сектора, дале обсяг, резултаты і досяг проєктів, підпора порозуміня і толеранції ці утримательного розвитку, підвышованя якости верейного простору, підпора співроботы з Українов  і посилнёваня роботы в партнерстві. Узавєрка подаваня жадостей є 18. авґуста. Близшы інформації суть опублікованы на вебовій сторінцї CIKE.

(TASR, Шутіова)