Ботанічна загорода Універзіты Павла Йосифа Шафарика в Кошіцях (УПЙШ) нукать протягом лїта окрем розцвитой загороды і културный проґрам. Інтересуючі ся можуть тїшыти на музічне выступлїня і выставу уменя. TASR о тім інформовала говоркыня УПЙШ Лавра Голянова. Пятый рочник лїтнїх подїй в ботанічній загородї одштартовала выстава SCUPA II: Untame. Верейности буде переглядка доступна до 22. септембра. Лїтнї концерты в ботанічній загородї зачне слачіковый орхестер Musica Iuvenalis і ёго гость Klasik Band Orchestra. Протягом вакаційных місяцїв мож навщівити ботанічну загороду денно. Вонкашнїй ареал буде в класічнім режімі мімо концертів доступный верейности в часї од 9.00 до 18.00 год., експозіції в склениках до 17.00 год.

(TASR, Шутіова)