В суботу, 12-го септембра, в предвечур одпусту в ґрекокатолицькім Катедралнім  соборі Рождества Пресвятой Богородіці в Кошыцях, были призначены двоми новы сінкелы – єпіскопскы вікарі а то про мадярьскых віруючіх і про русиньскых і україньскых віруючіх. Інформував о тім Пресовый центер Кошыцькой єпархії. Вікарійом про Мадярів став ся ТгДр. Войтєх Богач, ПгД. мол. котрый є духовным адміністратором мадярьскых віруючіх в Кошыцях. За вікарія про русиньскых і україньскых віруючіх єпархії быв призначеный єромонах Кассіан Каміл Дрозд, котрый є адміністратором парохії Гелцманівці і актуарьом Єпархіалного уряду.  (ЛЕМ.фм, Пкф)