Одпад в Кошіцях буде надале знешкоднёваный за єднаку цїну. Місто і компанія Косіт ся договорили на продовжованю сполупрацї до закончіня верейного обстараваня, котре маґістрат планує выголосити в будучім року. Інформує о тім на своїм вебовім сайтї. Концём новембра вступив до платности додаток змлувы на збер, преправу і знешкоднёваня комуналного одпаду в Кошіцях. Обидва бокы ся в нім договорили на передовжіню змлувы платной од року 2001. І в роцї 2022 так мають платити в сучасности платны условія змлувы а не будуть ся підвышовати ани поплаткы за одпад, котры ся подля міста послїднїй раз управлёвали в роцї 2010.

(TASR, Шутіова)