Концепт Ягодове місто, котрый у четверь в Пряшові представили ёго авторы, мать підвышыти атрактівіту третёго найвекшого міста на Словакії. Ёго задачов є стратеґічно перепоїти културны інштітуції, подникы, ґастро і прыспити так ку розвитку путёвого руху. ,,Тот реґіон мать што понукнути домашнїм і загранічным турістiм. Цїлём є вытворити платформу, котра дать турізму в містї нову тварь, затрактівнить путёвый рух і підпорить локалны превадзкы і інштітуціїї,“ высвітлив автор концепту Ягодове місто Маріян Беліш. ,, Частёв проєкту є самособов і модерный веб www.jahodovemesto.sk, котрый высвітлює історію і повязаня міста Пряшів з ягодами. В близкій будучности мать взникнути Ягодапоінт ці аплікація, котра буде служыти турістім, але самособов і реґіоналным інштітуціям. Праві посередництвом нєй туріста здобуте інформації о дїяню в містї, о можностях, де ся уквартелёвати, де ся іти наїсти, де мож спробовати і зажыти новы атракції а мати незабытны спомінкы,“ додавать Беліш.

(TASR, Шутіова)