Компостарня в Кежмарку од того тыждня служыть містным жытелям. Ведучій утвару выставбы, транспорту і жывотного окружіня на містнім містьскім урядї Штефан Зима увів, же цїлковы наклады враховано технолоґії суть подля нёго на уровни три міліоны евр. Нова компостарня на Польній уліцї ся складать зо штирёх ставебных обєктів. В дозрївачіх боксох буде проходити процес гіґіенізації, жебы ся впливом высокой теплоты і часу одстранили ці зредуковали патоґенны мікроорґанізмы. Готовый продукт, то значіть компост, ся буде складовати на спевненій плосї. Капаціта компостарни є приближно 4000 тон одпаду рочнї, актуално є подля Зиму наповнена на 50 процент.

(TASR, Шутіова)