Через вікенд при Лацковскім мості нашов Гуменчан на березі рікы Лаборець невыбухнутый ручный ґранат із Другой світовой войны. Поліцайна патроля, котра была покликана, місце забезпечіла проти вступа далшых особ і на місце быв закликаный крайскый піротехнік, інформовала Яна Міґальова, пряшівска крайска поліцайна говоркыня. Знайджена функчна муніція была піротехніком перевзята на ліквідацію. Поліція в повязаню з тым припадом звертать увагу жытелів, жебы кідь знайдуть муніцію або їй части, ниґда з нима не маніпуловали. Ани втогды, кідь точно знають, о што іде. Найджену муніцію треба оголосити і місце означіти, інформовала далше Міґальова.
(Медвідь, Korzár)