Облакы на костелі в Новій Келчі в окресі Воронів над Топльов зреконштруовали і вдяка підпорі біціґлістів. Почас ціклістічной юловой події Okolo Domaše вызберали на оправу народной културной памяткы 600 евр. Хоць облакы суть зреконштруованы, римокатольцкый священик з Туран над Ондавов Роман Матісовскый повів, же будова выжадує комплексну обнову, котру планують, но залежыть од фінанцій, коли і як буде зреалізована. Бароково-рококовый костел св. Штефана Краля є з року 1780 і находить ся під уровньов Домашы. Зістав там по затопленім селі Келча.

(Медвідь, TASR)