Село Камюнка мать по півстолітю оправеный храмовый дзвін з 1920-го року, котрый даколи дзвонив у селі лем тодыль, кедь умерла мала дітина. Подля слов камюньского отця духовного Франтішка Крайняка, обновленый дзвін буде мати і далше выужытя. На праздник Рождества Хрістового і на Великдень буде дзвонити вєдно із далшыма двома дзвонами. Споминаный дзвін быв обновленый в Польщі а його обнову фінанцовав камюньскый родак інжінер Іґор Солвестер – тото є азбуков написане і на обновленім дзвоні. Славностне высвячіня дзвона ся одбуде 19-го новембра, на котрім приобіцяв участь і архієпіскоп ґрекокатолицькой церькви Йоан Бабяк.
(Петро Кімак-Фейко)