Комісія в понедільок вырішыла о тогорічных лавреатах Нагороды Пряшівского самосправного краю. Меджі штирьома лавреатами є і Йосиф Бобалик. Днесь 90-річный Бобалик народив ся у русиньскім селі Луків. Його родина была єднов із 59-ох родин того села, котры під впливом лжывой пропаґанды і великой аґітації выселила ся до Совітьского союзу в рамках такзваных „оптацій“. Там быв одсуженый на десять років арешту в робочіх лаґрах. В році 2010 мав о нім премєру філм під назвов Йосиф і його братя, котрый зробило Здружіня інтеліґенції Русинів Словеньска в спрівпраці із Інштітутом памяти народа. Нагороду про Йосифа Бобалика запропоновала Анна Главачова, котра была режісерков споминаного філму. Выберало ся з понад 30 пропозіцій. Комісія му єй признала за незломну волю і одвагу при просаджованю моралных вартостей і свободы прояву. Святочне передаваня нагород одбуде ся 18-го децембра в Театрі Йонаша Заборьского в Пряшові.
(Медвідь, SITA)