Пряшівскый зимный штадіон є по веце як дварочній павзі знова функчный. По розсяглій реконштрукції є ставба сколавдована і шпортовы клубы уж можуть наповно хосновати ледову плоху. Цільом реконштрукції было подля говорцю міста Владіміра Томека захранити і зренововати штадіон, котрый быв выбудованый іщі в 1967-ім році. Но плана техніка стріхы собі выжадала комплексне одставліня штадіона. Реконштрукція стріхы і внутрішніх просторів стояла нецілых 4,9 міліонів евр з ДПГ. Реконштрукціов перешло і глядиско, котре є теперь приправене на монтаж 3600 місць на сіджіня. Фінанцоване буде через дотацію 175.000 евр з Пряшівского самосправного краю. Як повіла про пресову аґентуру TASR пріматорка Пряшова Андреа Турчанова, планують і другу етапу реконштрукції в сумі скоро двох міліонів евр, котрой частьов буде і обнова фасады. (TASR, Pkf)