Выход Словакії засягло у четверь землетрясїня. Про TASR то потвердив ведучій оддїлїня сейзмолоґії Словацькой академії наук (САН) Крістіан Чічай. Ішло о дотрясы минулорочного октобрового землетрясїня. Отрясы зачули люде в окресах Воронів над Топлёв і Гуменне. Подля інформацій оддїлїня сейзмолоґії САН мало землетрясїня маґнітуду 2,7. Епіцентер зазначіли коло села Йанківці в окресї Гуменне. Подля Чічая ішло о дотеперь найсилнішый дотряс, котрый зарівно люде зачули найінтензівніше. Староста села Дяпалівцї в окресї Воронів над Топлёв Ян Цмар про TASR потвердив, же жытелї зачули отрясы тырваючі пару секунд, котрым передходив глук. Староста Башковець в окресї Гуменне Павол Томаш про TASR повів, же отрясы было чути ясно. Ани там заты не евідують нововзникнуты шкоды способлены землетрясїнём.

(TASR, Шутіова)