Шпеціалізована ставебна компанія з Ческой републикы зачала днешнім дньом з асанаційов панелаку на Мукачівскій улиці в Пряшові, котрый засягнув масівных выбух пліну. Здевастованый панелак буде компанія ліквідовати за помочі шпеціалізованого строя із 68-метровым раменом, завдякы котрого буде мати можность одстранёвати панелы в достаточні безпечній вздалености од панелового дому.  Містьскый уряд Пряшів надалей інформує, же обывателі Мукачівской улиці з входів чісло 3, 5, 9, 11 і 13 ся з причины безпечности в часі асаначных робіт неможуть стримувати в своїх квартелях. Од зачатку асаначных праць будуть в поготовости рятовниці і робітници електрарні і плінарні.  (TASR, Pkf)