Заряджіня соціалных служеб, котрого часьтов буде заряджіня про сеніорів і денный стаціонар, хоче місто Свідник выбудовати з фінанцій із Штатного фонду розвитку бываня. Выникнути має в нехоснованій будові. Як про аґентуру TASR повіла пріматорка Марцела Іванчова, буде то заряджіня родинного тіпу, котре забезпечіть роботу приблизно 40-ом людям. Місто робить на ставебнім поволіню і в найблизшім можливім терміні хоче подати жадость на фонд, котрый того часу давать 700 евр на метер квадратный. Ціле заряджіня бы мало мати коло 2000 метрів квадратных, што бы значіло дотацію 1,4 міліона евр. То бы місту могло покрыти 90 аж 95 процент вшыткых вытрат.

(Медвідь, TASR)