У Свіднику ся закінчують роботы на оправі моста на Фестіваловій уліці, котра веде ку амфітеатру. На ставбу з розрахунком 613 тісяч евр ішло з проґраму Підпора найменше розвитых окресів 500 тісяч. Як інформовала PR менежерка міста Свідник Крістіна Тхірова, міст быв про оправу од юла запертый. Почас октобра го вже отворили. Роботы дотуляли ся технічного стану моста, зробили ся новы пішникы, асфалт, розшырила ся і прияздова комунікація ці намонтовали новы поулічны лампы. До місяця бы мала быти подля Тхіровой ціла ставба сколавдована.

(Медвідь, SITA)