Шыфу Богемія прызначену на ехкурзії вчера наложыли на послідню, 90-кілометрову трасу по землі. Переправлювати ю будуть два дні, на Домашу прийде у четверь (25. 7.) коло 15.00 год. Як повів староста села Кваковце (окрес Вранів над Топльов) Радован Капраль, славностне крещіня одбуде ся 11-го авґуста. На Домаші суть на прыход Богемії приправлены, існуюче моло є фурт функчне. За словами старосты суть тыж днесь уж приправены проєкты на выбудованя 14 портів по цілій Домаші. „Здобыли сьме на даны проєкты фінанції з акчного плану. Рахуєме, же до будучорічной літньой сезоны ся нам подарить выбудовати порты в єднотливых резіденціях так, абы шыфа мала можность ходити як автобус і єднотливы резіденції споїла,“ высвітлив староста. (TASR, Пкф)