Европска інвестічна банка збівшує Пряшівскому самосправному краю уверову лінку о 20 процентів з попереднього одобреного уверового рамца, што є 5 міліонів евр. Проти першому уверовому договору суть условія на черпаня ші флексібілнішы. Інвестичны акції будуть заміряны лем на дорожну інфраштруктуру а сполу ся їх буде реалізовати 81 с цілковым бютжетом скоро 14 міліонів евр. Пряшівскый самосправный край до днешнього дня черпав два уверы з Европской інвестічной банкы, першый быв одобреный в 2006 року у вышкі 40,4 міліонів евр а другый в 2014 у вышкі 25 міліонів евр.
(Петро Кімак-Фейко)