Діти ся вчіли у Вігорлатьскім музею в Гуменнім красити писанкы. Вказовав їм то робітник музею Михал Пастернак, котрый тій залюбі присвячать ся дакілько десяток років. Представив і методу батікованя, рельєфного воскованя, дротованя, но і мачаня в різных одварах. Kрашіня яєчок собі спробоваиа і школярька четвертой класы Александра на Пуґачевовій уліці в Гуменнім. Но не было то першыраз. „Я яєчка красила і передтым з бабов. Мальовали сьме їх так, же до фарбічкы сьме дали ґомбошку, і так сьме красили. Із єдного боку быв наприклад зайчік в кошыку і трава і з другого было курятко,“ повіла про TASR. Тврочі ділні суть частьов выставкы Карпатьска писанка, котру в музею приготовлюють вже 26 років. Тот рік залучіло ся 83 авторів зо Словакії і заграніча. До 6-го апріля навщівници можуть посмотрити собі приблизно 800 писанок.(TASR, Mедвідь)