Рекордных 236 співанок приголосили авторы і інтерпреты до 37. рочніка змаганя Кошіцькый златый поклад. Выберова комісія з них выбрала дві ґрупы поступуючіх співанок. В першій є шість співанок, котры ідуть просто до фінале змаганя. Дванадцять співанок выбраных до другой ґрупы буде в семіфіналовім колї сутяжыти о поступ до фінале посередництвом СМС голосованя послухачів Радіа Словеньско.  ,,Семіфіналове коло одвысылать 25. септембра од 19.05 г.,“ TASR інформовав PR манажер RTVS Станїслав Чачко. Тогорочны сутяжны співанкы суть подля директора змаганя Юрая Гідвеґіго передовшыткым о вічній темі любви, зеркадлять і проблемы днешнёй добы. Фіналовый концерт ся одбуде 6. новембра о 19.00 г в кошіцькім Културпарку. Прямый пренос одвысылать Радіо Словеньско, телевізный документ з подїї сі будуть дїваци мочі попозерати на Двойцї.

(TASR, Шутіова)