В днях 17-го аж 22-го юлія в селі Зборов, бардейовского окресу, проходило сімпозіюм заміряне на творбу деревяных скулптур. Быв то четвертый річник сімпозія, котрого головным орґанізатором є обченьске здружіня ŠOK – šport, oveta, kultúra. В рамках Рока Адолфа Добряньского орґанізаторы запропоновали Округлому столу Русинів Словеньска вытворіня скулптуры Добряньского. Скулптуру в жывотній великости зробив пряшівскый умелець Марек Ганудель і святочно была одкрыта в рамках суботняйшой вернісажі творів. Округлый стіл дістав тоту скулптуру до дару і буде на своїм найблизшім засіданю рішыти, де буде деревяный твор даный.
(Петро Медвідь)