Тогорічне святкованя Дня Русинів зачало уж днесь 7-го юна публічным награваньом розгласовых релацій в просторах Музею русиньской културы в Пряшові під назвов Русины ся чітають. Публічне награваня зачало о 10-ій годині за участи модератора, чітателів, писателів, жывой музикы, орґанізаторів і участників події. В проґрамі буде бісіда о русиньскых авторах і будуть ся чітати урывкы їх поетічных і прозовых творів. Святкованя Дня Русинів буде продовжовати в суботу аж до віторка. З нагоды Дня Русинів Народностно-етнічне высыланя Радіо Патрія выголосить Меморіал Сілвії Зелінковой, редакторкы русиньского высыланя, котра передчасно одышла з того світа минулого року.
(А. Кузмякова)