Фонд на підпору културы народностных меншын, котрый належыть під резорт културы, зреалізовав у першій половині октобра в Братіславі вольбы Одборных рад про вшыткых тринадцять народностных меншын на Словеньску. Єденадцять з них, меджі нима і русиньска, вырішыли зрядити єдну Одборну раду, котра буде посуджовати проєкты далшы два рокы. Першых трьох членів одборных рад зволили представителі народностных орґанізацій, двох членів установив Норберт Молнар, директор Фонду. На основі того, директор выменовав пятьчленну Одборну раду про русиньску народностну меншыну, котру творять Mарія Пайзінкова, директорка Піддукляньского освітнього центра у Свіднику, Aннa Кузмякова, редакторка Народных новинок – Інфо Русин, Maріян Maркo, директор Театру Александра Духновіча,  Ян Липиньскый, председа Здружіня інтеліґенції Русинів Словеньска і Aннa Плішкова, директорка Інштітуту русиньского языка і културы Пряшівской універзіты.
(Петро Кімак-фейко)