День Русинів Словакії одсвяткують в Меджілабірцях і у Свіднику
День Русинів Словакії, котрый припадать на 12. юна, будуть святковати в містї Меджілабірцї і Свідник протягом вікенду. В суботу 10. юна ся одбудуть подїї з нагоды Дня Русинів в Меджілабірцях. Місто вєдно з Містнов орґанізаціёв РОС і далшыма партнерами приготовили богатый проґрам, котрый буде проходити на містнім амфітеатрі. Святкованя зачнуть перед Містьскым урядом, на амфітеатер пак перейдуть участници в рамках святочной кроёвой процесії. У Свіднику, день по тім, 11. юна ся одбудуть в рамках святковань наперед св. літурґії, по них буде наслїдовати пєтный акт і панахіда коло гробу будителя А. Павловіча а кроёва процесія участників пак поведе на пішу зону у Свіднику де ся одбуде святочный Ґалапроґрам. Традічно вєдно із святкованями Дня Русинів Словакії одбуде ся і Духновічів Пряшів. Тот цїлословацькый конкурз в декламації в русиньскім языку ся одбуде 12. юна в просторах Театру Александра Духновіча, де знова буде мож чути русиньске літературне слово в рамках уж 22-го рочника той події.
(TASR, Шутіова)
-
Назад / Nazad Третій річник кампанії ПСК – Збирай зелены кілометры зазначів 64-процентный наріст перейдженый кілометрів
-
Далше / Dalše Одкрыли 11-ый річник Studium Carpato-Ruthenorum