Місто Гуменне хоче реґенеровати внутроблоковы просторы на двох сідлісках – на уліці Добряньского і Лаборецькій. Поданя жадости на проєкт ‟Зліпшіня енвіроменталных аспектів міста Гуменне – реґенерація внутроблоковых сідлісковых просторів міста з аплікаційов прінціпів творбы і охраны зелени‟ од міністерства жывотного оточіня і з ньов повязане сполуфінанцованя самосправов схвалили містьскы посланці на своїм посліднім засіданю. Цілковый предпокладаный кельчік  проєкту вырыховала самосправа на веце як 685.000 евр, сполуфінанцованя з властных жрідел мать быти коло 34.268 евр. Проєктовы фінанції мають служыти на выміну непропустных спевненых теріторій  за пропустны або напівпропустны теріторії, рекултівацію вшыткых зеленых теріторій, высаджіня новой зелени і т.д. (TASR, Pkf)