Місто Гуменне будує лавку про пішых і біціґлістів через ріку Лаборець. Новый цікломіст буде споювати Сідліско під Соколейом понад річну тепну міста з його централнов частьов. Злегчать тыж переход про обывателів локаліты Валашковце або зо села Ясенов. Пресаґентуру TASR о тім інформував Маріан Шкуба з пресового реферату містьского уряду. Радниця здобыла на выбудованя моста средства з европскых джерел, котры покрыють 95 процент келчіка. Розрахунок ставбы є 1,9 міліона евр. Цілкова  довжина моста є 87,5 метра і шырька лавкы вєдно конштрукції облуків є 6,05 метра. Час выставбы є напланованый на 12 місяців і Гуменчанам зачне служыти  од новембра 2023-го року. (TASR, Pkf)