Місто Гуменне буде жадати о здобытя дотації на реалізацію публицї приступній електричній набиячій станицї. Самосправа хоче взником набиячой інфраштруктуры підпорити розвиток електромобіліты на Словакії і наповнити тым вызву міністерства господарьства. Выходить то з узнесїняя містьского заступітельства, котре містьскы посланцї схвалили в середу на своїм їднаню. Самосправа може на проєкт в рамках вызвы здобыти дотацію у вышцї 5000 евр. Сполуфінанцёваня передставлює пять процент. Нова електрична набияча станіця бы ся мала находити на парковиску на Міровій улицї коло дому служеб. На їднаню МсЗ зазвучали іщі дві пропозіції, парковиско коло резіденції містьской поліції і невывжываны выменниковы станіцї на теріторії міста.

(Шутіова, TASR)