В комуналных вольбах нашого реґіону сі обгаїли своє місце пріматоры такых міст, як є Бардійов, Ґіралтівці, Стропків, Стара Любовня і Меджілабірці. То значіть в дальшім волебнім періоді буде і надалей пріматоровати в Бардійові Боріс Ганущак, в Старій Любовні Любош Томко, в Меджілабірцях Ладіслав Вышньовскый, в Стропкові Ондрей Брендза. І Пряшів наше крайске місто буде мати старонову пріматорку Андрею Турчанову. Зміны на місці пріматорів єднак настали в Гуменнім, в Свиднику і Снині. В Гуменнім намість дотепрішньой пріматоркы Яны Вальовой ся став пріматором Мілош Мерічко, в Свиднику намість пріматора Яна Голодняка ся стала Марцела Іванчова а в Снині вычерять Штефана Міловчіка, котрый уж по 25 роках пріматорованя некандидував, Данєла Ґаландова.
(Кімак)